為咗寶寶嘅健康同減少過敏,以下幾種食物喺開始加入輔食時,要避免畀寶寶食用。
含有麥麩的食物:六個月以內嘅寶寶唔可以食任何含有麥麩嘅食物,例如:麵粉、燕麥等。凡係容易引起過敏嘅食物都唔適宜太早加入。
{adv here}
鹽:寶寶滿一歲前,所有食物都唔可以加鹽,太多鹽會對寶寶未成熟嘅腎造成負擔,而且會影響寶寶嘅飲食習慣,有可能造成日後嘅血壓高。另外,太多鹽會影響寶寶吸收鈣質。 調味方面,可以用水果同蔬菜嘅自然味道調整,對寶寶日後嘅健康好重要。
糖:寶寶食太多糖會增加蛀牙風險,而且,血糖急速變化有可能導致寶寶情緒化,會出現經常哭鬧嘅情況。
蜂蜜:蜂蜜含有一種菌,可以造成寶寶感染,甚至中毒,所以寶寶一歲前絕對唔可以食蜂蜜。
{adv here}
雞蛋:容易造成過敏,而且雞蛋一定要完全煮熟先畀寶寶食。寶寶9個月大可以開始加入蛋黃,蛋白部分就要再遲啲先加入,因為更容易引起過敏。
士多啤梨:士多啤梨係最易造成過敏嘅水果,特別係寶寶有哮喘或濕疹就更加要避免食士多啤梨。
海鮮:一歲前儘量唔好畀寶寶食海鮮,因為容易過敏。
高纖食品:高纖食品會影響寶寶對重要微量元素嘅吸收,兩歲前不要給寶寶食用。
資料來源:大時代