現今社會，手機已經成為生活嘅必需品，有啲小朋友基本上機不離手，好多家長認為只要唔影響視力同學業，小朋友做完功課玩吓手機都係無可厚非，但係事實又係唔係咁？其實玩手機對小朋友嘅專注力同性格都有影響。
{adv here}
1) 專注力下降
小朋友玩手機時表現得好專注，並唔代表佢做其他事情都會一樣咁專注。小朋友嘅注意力喺手機上只係因為手機嘅吸引力，甚至會一邊做功課一邊諗住玩手機，反而冇辦法專心。
2) 性格變化
小朋友嘅性格有一部分係先天因素影響，但大部分係後天因素影響，而玩手機就係其中一個影響較大嘅因素。有啲家長會發現，本身性格溫和嘅小朋友開始玩手機、沉迷遊戲之後都會變得沉默寡言、脾氣暴躁。
{adv here}
3) 社交能力下降
好多沉迷於網絡世界嘅青少年，喺現實世界根本冇朋友，要透過手機遊戲搵存在感，雖然並唔係所有玩手機嘅小朋友都會變成咁，但玩手機確實會減少好多社交時間同精神，導致佢哋嘅語言能力以及社交能力下降，嚴重甚至會影響EQ，令到佢哋喺手機遊戲以外嘅現實世界出現交際困難。
資料來源：Q博士
