臍帶主要作用係輸送營養畀寶寶，如果做產檢時發現寶寶被臍帶纏頸，準媽媽一定會擔心胎兒嘅安危。到底臍帶纏頸係咩一回事？一旦發現臍帶纏頸情況，準媽媽應該點做呢？

{adv here}

臍帶纏頸的原因

1) 羊水過多，胎兒體形太小。如果肚入面空間太大，寶寶就會喺入面翻滾，較容易發生臍帶纏頸。

2) 臍帶太長。

3) 胎動太過頻繁。

臍帶纏頸危險嗎?

情況1：臍帶有一定長度，亦都有彈性，好多時臍帶只會鬆鬆地圍住寶寶頸部，就好似一條頸巾咁，寶寶嘅頸部同臍帶冇受到壓迫，就唔會有危險。

情況2：如果臍帶長度過短，或者喺寶寶頸上圍咗好幾個圈，臍帶就會勒緊而影響寶寶嘅血液供應，呢種情況會比較危險。由於臍帶受到壓迫，導致營養同氧氣供應減少，會發生胎兒生長遲緩，甚至胎兒窘迫。

情況3：順產時，胎兒喺子宮收縮嘅壓迫下，要通過打開咗嘅宮頸口沿著產道下降，隨著胎兒嘅位置逐漸下降，臍帶都會越拉越緊。喺正常情況下，臍帶有足夠長度嘅話胎兒可以安全娩出，如果有臍帶纏頸情況，長度就會相對減少，有可能會勒得太緊，令胎兒缺氧。

{adv here}

1) 勤數胎動
正常胎動每小時會發生3~5次，孕婦可以分早午晚每日數三次。數胎動時可以坐喺凳上面或側躺喺床上，將雙手輕輕放喺腹部，專心感受胎兒嘅活動。一旦發現胎動唔正常，就要立即去醫院做檢查。

2) 適當活動
準媽媽準媽媽一舉一動都擔心會影響寶寶，所以好多孕婦會儘量減少活動，但其實長期唔運動會增加臍帶纏頸嘅發生率。懷孕期間，適當活動對準媽媽有好處，例如散步、孕婦體操等，只要唔好過於猛烈就可以。

3) 左側睡
睡覺時候儘量左側睡，可以增加子宮胎盤嘅血流量，令寶寶有充足血液同氧氣。

只要記得定時去做產檢，就可以及時發現異常情況，儘早就診，臍帶纏頸就唔會造成困擾。

資料來源：Q博士