同事Raymond嘅太太連續三胎都係生女，真係「成個外父相」。子女性別係咪同面相有關信不信由你，但越嚟越多科學研究指出，飲食習慣同行房時間都會對孩子性別有一定影響。
孩子性別取決於父親的精子
子女性別唔係取決於媽媽嘅卵子，而係爸爸嘅精子。男性嘅精子帶有X或Y嘅性別染色體，而卵子嘅性別染色體係一對X染色(XX)，如果X染色體精子同卵子結合，就會生女；相反，Y染色體精子同卵子結合，就會生仔。
{adv here}
食物酸鹼性
女性可以透過控制飲食嚟調節身體酸鹼性。如果想生女，女性平時喺飲食方面應該攝取偏酸性嘅食物，例如肉類同蛋白等，避免食太多鹼性食物。由於X精子偏好酸性環境，維持身體嘅酸性可以增加X精子同卵子結合嘅機會。相反，想生仔就要製造一個鹼性嘅環境，增加Y精子順利同卵子結合嘅機會，女性平時要食多啲鹼性食物，例如新鮮蔬菜、牛奶、橙、香蕉、海帶等。
除咗女性要控制飲食，男性都要同太太同心協力，要注意均衡飲食，維持規律生活同有足夠休息，避免過份操勞。
{adv here}
咁計劃生小朋友嘅准爸媽們，應該幾時開始控制飲食呢？要改善身體唔係一朝一夕嘅事，需要一段時間嘅適應同調整，所以至少要喺懷孕之前一年就開始實行。
「造人」要「擇日」
揀日子「造人」都係同酸鹼性有關。想生仔，可以集中喺排卵日後「造人」，因為呢個時期陰道會呈鹼性，有利Y精子生存。想生女，「造人」時間就要改為排卵日前，因為呢個時期陰道比較酸性，有利X精子同卵子結合。
資料來源：壹週Plus，每日頭條
