每一位媽媽都希望產後可以回復懷孕前嘅窈窕身段。一名年約30歲嘅媽媽，已經係3個小朋友嘅母親，佢打算生晒3個寶寶之後先一次過減肥，認為咁樣比較「慳水慳力」。結果到咗佢想減肥嘅時候，腹部嘅肌肉已經出現撕裂情況，體內亦都積聚咗太多脂肪，錯過咗產後修身黃金期。
{adv here}
何謂產後修身黃金期？
產後修身黃金期係生完寶寶之後嘅6個月內。好多人誤以為產後修身，要等生完幾個小朋友先一次過減肥，而實際上，咁樣做不但會導致樽頸期，體內嘅脂肪仲會不停積聚，時間越長越難減，正確嘅概念應該係生完一個立即修身，令身體恢復。
把握產後修身黃金期
坐月期間不宜立即做強烈運動，建議只做一啲簡單嘅伸展活動。至於飲食方面，千祈唔好大魚大肉，要戒口，而坐
月時必食嘅薑醋都不宜食太多，菜式儘量保持清淡，以少鹽少油嘅方式配搭健康食材便可。唔好因為急於進補而進食過量補身食物，因為進補食物大部分都係高脂肪高卡路里，應該預備一個均衡飲食嘅餐單，加速身體組織修復，同時注意補充足夠營養。
{adv here}
多吃：
1) 含優質蛋白質嘅食物，例如雞肉、豬肉等
2) 高鈣食物，例如牛奶、芝士、乳酪等
少吃：
1) 高脂肪嘅食物
2) 高糖份嘅食物
3) 含酒精、咖啡因嘅飲品
坐月後大約4-6星期開始，就可以積極開始修身大計，建議做多啲帶氧運動，以消除體內脂肪，增加肌肉為目標，例如游水、瑜珈、慢跑等，每週運動3次，每次維持30分鐘以上，就可以達到消耗熱量同脂肪嘅作用，但記住要循序漸進，唔好一下子操之過急，應該根據自己嘅身體狀況調整步伐。
資料來源：今日頭條
