有人認為1歲左右嘅寶寶未懂事，對於教育呢個年齡段嘅寶寶唔太上心，往往忽略咗早期教育嘅重要性。其實1~2歲係寶寶嘅成長敏感期，稍為唔小心就會傷到寶寶嘅心。
1歲左右嘅寶寶，最「怕」以下3種媽媽。
{adv here}
1) 對佢發脾氣嘅媽媽
寶寶可以觀察到媽媽嘅情緒，如果媽媽發脾氣，寶寶會感受到。爸媽嗌交嘅時候，即使媽媽冇對寶寶發脾氣，寶寶都會感受到媽媽嘅情緒，會哭個不停，所以喺寶寶面前，媽媽們應該儘量克制自己嘅脾氣。
除咗怕媽媽發嬲，寶寶更怕媽媽對佢發脾氣。雖然寶寶未有啱同錯嘅意識，但如果媽媽對佢發脾氣，佢會覺得自己做錯事，變得敏感、膽小，有啲寶寶感受到媽媽嘅怒意，會變得愛哭、暴躁，媽媽嘅情緒會傳染畀寶寶，所以，為咗寶寶嘅心理健康著想，喺寶寶面前，幾嬲都要忍住。
2) 忽然離開嘅媽媽
1歲左右嘅寶寶，最需要就係媽媽嘅陪伴，如果媽媽粒聲唔出就離開，會令寶寶缺乏安全感，對於寶寶成長會有負面影響。媽媽離開寶寶之前，應該先同寶寶講一聲，寶寶會意識到媽媽將會離開，情緒就唔會變得激動。
{adv here}
3) 管太多嘅媽媽
1歲左右嘅寶寶無論走到去邊，媽媽都會貼身保護，因為擔心寶寶會受傷。但其實寶寶都好怕媽媽管得太多，太在乎寶寶嘅安全，經常喺寶寶身邊嘮叨，其實會抑制寶寶嘅自我成長，限制佢哋嘅自由活動。身為寶寶嘅照顧者，喺寶寶身邊好好守護就可以，只要唔係特別危險嘅事，就唔好動不動就阻止寶寶，如果寶寶掂乜嘢食乜嘢都畀媽媽話，佢會遂漸對周圍事物都失去興趣。
資料來源：LIFE生活網
