教育小朋友嘅過程中，每個家長都會因為小朋友唔聽話而感到沮喪。爸媽們經常會問自己：「佢點解會咁唔合作？」。但家長要明白，冇人鍾意被迫做任何事，小朋友都唔例外。家長應該將小朋友變成合作夥伴，將命令變成合作。今次就同大家分享3個同小朋友溝通嘅秘訣。
{adv here}
1) 邀請，不要求
大家有冇諗過，小朋友嘅固執係喺邊度學返來嘅呢？冇錯！就係父母！如果家長想小朋友合作就必須以身作則。一般人會普遍認為，友好地請求、邀請小朋友共同努力去尋求解決方法，會令佢哋變得更加目中無人或者唔聽話，其實，小朋友係知道父母擁有最終決定權，當佢分享到權力，只會希望把握呢個機會表達自己，而非「反客為主」。
2) 不要重複自己的說話
如果小朋友已經聽到你講嘅說話而佢冇回應，你重複講同一句說話，佢只會覺得煩厭，索性唔聽你講嘢。其實你講第一次佢冇回應，就唔需要再講，試試換個方式，扮唔記得，調轉頭問返小朋友：「咪住先，我頭先叫你做咩呀？唔記得咗添。」小朋友會立即回應你，仲會沾沾自喜，因為呢一刻佢覺得自己比大人更聰明，更能幹。
{adv here}
3) 讓他們負責
家長冇必要一直將小朋友困喺籠入面，試試畀小朋友去全權負責一件事，畀佢「作主」。當小朋友「擁有權力」，佢就更願意配合父母，變得更加合作，結果可能會令你驚訝。
資料來源：Q博士
