1. 讓小朋友學會自己的事自己做
爸爸媽媽要令小朋友明白自己嘅事情本來就應該自己做，父母幫忙唔係應份，只係出於好心。如果小朋友自己執拾好房間，家長可以稱讚一下小朋友，但就唔好令佢哋覺得執房唔係份內事，要避免講呢啲說話：「好乖喎，幫媽咪做家務」。如果小朋友唔想自己做嘅時候，家長都唔可以順佢意，話畀佢哋知，之前爸爸媽媽只係幫你做，而家應該自己做返。
{adv here}
2. 提供機會畀小朋友學習
能力係訓鍊出來嘅，喺日常生活中，可以多啲畀小朋友自己揸主意，自己去做能力範圍內嘅事，好似食飯、揀衫、分配睇電視同埋玩玩具嘅時間、執拾房間等等，小朋友可以從中獲得經驗同埋吸取教訓。
{adv here}
3. 營造輕鬆氛圍，學會耐心等待
成長需要時間，小朋友學習揸筷子可能要用好長嘅時間，著衫又成日扣錯鈕。小朋友第一次做一件事情難免會失敗，喺小朋友嘗試嘅時候，家長要多啲鼓勵小朋友同埋提供協助。小朋友遇到煩惱嘅時候要安慰佢。當佢有進步嘅時候，要稱讚佢，激勵佢。
{adv here}
4. 積少成多，讓小朋友逐步獨立
爸爸媽媽可以幫小朋友制定一個進度表，比如可以先學會自己用羹食飯，然後可以俾小朋友自己裝飯，再教佢用筷子，慢慢小朋友就會學識自己食飯嘅一整套動作。
資料來源：壹讀
