1. 過度清潔
一項研究顯示，過度清潔，可能會增加小朋友發生過敏嘅機率，例如濕疹同哮喘。
有啲小朋友長期生活喺「無菌」環境，接觸嘅微生物太少，導致自身免疫力低，一旦同外界嘅細菌接觸就好容易病。
{adv here}
{adv here}
2. 睡眠不足
睡眠係人體「充電」嘅時間，可以達到恢復體力嘅效果。睡眠不足可能會導致人體對抗病菌、癌細胞嘅自然殺手細胞製造不足，令免疫力下降，增加病毒細菌入侵嘅機會。
一般情況下，初生嬰兒每日嘅睡眠時間係16~20小時左右，而1~3個月大就係16個小時左右，4~12個月大應該有14-15小時，1~3歲就應該有12-13小時左右。
3. 一生病就食藥
美國FDA認為，普通感冒係可以自愈嘅疾病，感冒藥冇辦法去除病根，亦唔能夠縮短病程，還有可能帶來傷害。
小朋友每次生病都係自身免疫力同病毒病菌嘅一次對抗，如果佢哋一生病就食藥打針，就即係提前叫小朋友嘅免疫細胞「撤退」，不但起唔到保護同埋治療嘅作用，仲有可能會傷害小朋友嘅身體（例如加劇細菌嘅耐藥性，減低抵抗力等）。
{adv here}
4. 著太多衫
如果著太多衫，小朋友一活動就會出汗，身上嘅汗液反而散唔到，更容易病，出現咳嗽或者發燒等癥狀。小朋友都需要漸漸適應外界環境，過度保護只會降低佢哋嘅抵抗力。
5. 食得多，身體好
小朋友嘅腸胃同埋消化功能仲未完善，食太多嘢好容易會食滯，提升唔到免疫力之餘，仲會影響小朋友嘅健康。所以，只要保證營養均衡、定時進食即可，唔好以為食得越多，身體就會越好。
資料來源：PTT新聞
