產前抑鬱最主要嘅症狀係「焦慮」，例如過份擔心胎兒嘅健康狀況而不斷上網搵資料或者睇婦產科醫師、產檢前夕冇胃口、瞓唔到、容易頭痛、心口悶、呼吸唔暢順、暴飲暴食、心情煩躁、坐唔定，嚴重會出現身體發震嘅情況，同伴侶爭執嘅機會都會變高，無法舒緩自己嘅情緒。
{adv here}
{adv here}
造成產前抑鬱的原因
1. 荷爾蒙變化
懷孕之後，由於體質因素影響，有啲準媽媽會出現噁心、嘔吐、易攰、胸部脹痛、皮膚變差等不適情況，一旦生理狀態出現劇烈變化，就好容易導致情緒低落。
2. 過往曾經有抑鬱傾向
如果準媽媽喺懷孕前曾經有焦慮、抑鬱傾向，加上懷孕後對於將來嘅唔肯定，好容易會再次出現抑鬱症狀。
3. 性格特質
每個人嘅性格都唔一樣，有啲人天生樂觀同冷靜，有啲人就容易緊張同悲觀。如果性格比較小心謹慎、容易擔驚受怕、要求完美或者缺乏自信嘅準媽媽，懷孕過程中可能會胡思亂想，令自己想太多瞓得唔好。另外，懷第一胎嘅新手媽媽冇經驗，都會較容易出現產前抑鬱症狀。
{adv here}
4. 心理準備不足
意外懷孕或者未婚懷孕嘅女性，喺冇心理準備嘅情況下發現自己懷孕，都會令孕婦感到焦慮，如果經濟狀況唔穩定或者仲未同另一半有一齊生活嘎嘅共識，症狀可能會更加嚴重。
5. 家人和另一半無法體諒
好多患產前抑鬱症嘅準媽媽都表示過，伴侶同家人都冇設身處地咁為自己著想，就算已經發現準媽媽心情唔好都未有及時提供協助，導致孕婦認為自己孤立無援。
資料來源：華人健康網
