現今社會好多家庭嘅小朋友都係獨生子女，呢啲小朋友往往會被父母過分溺愛，長大後會喪失自己獨立生活嘅能力。如果唔想害咗小朋友，以下9種溺愛行為，爸媽們要及時更正。
{adv here}
1) 小朋友喺屋企嘅地位高人一等，做咩都有特權，將最好嘅嘢留畀小朋友獨享，小朋友容易變得自私，唔識關心人。
2) 總係將小朋友捧到天咁高，例如過時過節，父母會叫小朋友喺親友面前表演跳舞娛賓，掌聲不斷，小朋友容易變得自我膨脹。
3) 小朋友要乜有乜，會養成唔識珍惜、浪費金錢嘅性格，而且毫無忍耐力，少少苦都唔捱得。
4) 管教方式過份寬鬆，小朋友嘅起居飲食、玩樂、學習都完全冇規律。小朋友長大後會缺乏上進心、好奇心，做事三心兩意 ，有始無終。
5) 食飯瞓覺係人類嘅本能，但有啲家長連小朋友食飯瞓覺都要又氹又跪，父母越求佢哋，佢哋就越變本加厲，不單止令小朋友唔識得分辨是非，仲會培養出不負責任嘅性格。
{adv here}
6) 過份緊張，怕小朋友跌倒、撞傷，小朋友生病時家長表現得驚惶失措，容易令小朋友變得懦弱。
7) 為咗確保小朋友百份百安全，禁止小朋友出街，令小朋友喺屋企就橫行霸道，出到外面就膽小如鼠，造成嚴重性格缺陷。
8) 小朋友一唔滿意就扭計唔食飯，父母就會妥協遷就，最終令小朋友變得自私、任性同缺乏自制能力。
9) 爸爸教小朋友媽媽幫口，父母教小朋友嫲嫲處處維護，令小朋友缺乏是非觀念，造成性格扭曲。
資料來源：CMoney
