好多準媽媽都會有消化不良，火燒心嘅問題。有啲媽媽好好彩，只係懷孕初期出現呢啲症狀，但有啲媽媽會持續成個孕期。
懷孕初期，準媽媽身體會產生大量嘅黃體酮和鬆弛素，會令身體所有平滑肌變鬆弛，當中包括腸胃嘅平滑肌，食物進入腸胃速度變慢，導致消化不良，亦會令孕婦覺得胸部同上腹有脹氣。
{adv here}
{adv here}
同時，隔離食道同胃部嘅肌肉都鬆弛咗，經過初步消化嘅食物會混合胃酸由胃部倒流返食道，胃酸刺激敏感嘅食道內壁，令心臟附近有燒灼感，亦即係「火燒心」。
孕婦難免會有消化不良同火燒心，尤其係中期同晚期，因為子宮擴張壓迫到胃部，會令症狀更加嚴重。
準媽媽都唔使太擔心，可以試試以下方法，有助舒緩不適。
1. 避免進食容易造成不適嘅食物
辣味，油炸、高脂肪、重口味、加工肉類、朱古力、咖啡、碳酸飲品同薄荷食品都係容易引發噁心嘅食物。
2. 少食多餐
為咗防止消化系統負擔過重導致胃酸倒流，準媽媽可以少食多餐，每餐減少份量。
3. 慢慢細細啖咁食
食得太快會吞埋空氣入胃部，導致脹氣。胃部都會加大運作，更容易出現火燒心。所以準媽媽要慢慢咀嚼細細啖咁食。
{adv here}
4. 唔好一邊食一邊飲水
食物如果有太多液體會令胃脹嚴重，加重消化不良，可以儘量喺餐同餐之間飲水，避免食飯中途飲水飲湯。
5. 坐好食飯，食完唔好即刻瞓低
身體保持直立有利於胃酸留喺原處，所以準媽媽唔好攤喺度食嘢或者食完即刻瞓低。瞓覺可以將頭同肩墊高15cm，防止胃酸倒流。
資料來源：壹讀
