關於BB生得似邊個，相信好多人都聽過一個講法：女仔似爸爸，男仔似媽媽。到底邊個嘅基因先至決定BB嘅樣貌同埋智商嘅關鍵？
{adv here}
{adv here}
BB嘅容貌屬於「結合體」
好多父母都會發現BB眼睛同鼻似媽媽，面形嘴唇就似爸爸，完全係結合體。但每個BB嘅遺傳情況都唔同。
1. 雙眼皮主要靠爸爸
係人都想自己BB擁有一對又大又圓嘅眼，再加上雙眼皮就完美！但如果爸爸係單眼皮，咁遺傳BB雙眼皮嘅機率就大打折扣，單眼皮嘅機率就會增加。相反爸爸粗眉大眼雙眼皮， BB都好大機會遺傳。
2. 膚色主要靠「混合」
講到膚色，一般情況下父母雙方係白皮膚咁BB皮膚都會偏白，如果雙方屬於黑白配類型，咁BB多數會係中等皮膚，但都有好少機率黑白配嘅夫妻相出偏向一方膚色嘅BB。
{adv here}
3. 身高主要靠爸媽
睇姚明個囡囡都知道小朋友身高大部份遺傳父母，但仲有一小部份可以靠後天完成。如果父母覺得自己身高不足，想BB長高啲嘅話，就要以靠後天嘅營養補充同適當運動來幫助。
寶寶智力不止遺傳媽媽！
好多人都認為BB嘅智力係源自媽媽，正常情況下女性人體有23對染色體，其中22對係常染色體，剩返一對係兩條X染色體，而X染色體集中同智力有關嘅基因，所以BB智力主要遺傳媽媽。
雖然智力同遺傳有關，但BB聰唔聰明，都同後天嘅教育方式、學習環境同營養攝入嘅因素有關。
資料來源：壹讀
