母乳VS配方奶BB便便有咩分別？
醫生表示，想了解初生BB健唔健康，除咗觀察食量、活動量等等，仲要留意大便嘅形狀同次數。不過，值得注意嘅係，母乳BB同奶粉BB嘅大便狀態同頻率有好大分別。
{adv here}
{adv here}
一般來講，因為母乳乳糖含量高，大便嘅質地都會偏稀同偏軟。至於配方奶成份入面，蛋白質含量較高，所以便便嘅質地都會偏硬。
再加上食母乳嘅BB喺滿月之前，口腔同肛門反射反應比較敏感，便便次數一日可以達到10幾次。直至滿月後，每四至五日排便一次，甚至一星期一次都算正常，直到進入加固階段（四至六個月）前大便仍然多數偏稀、軟。至於食配方奶嘅BB，滿月後三至四日先排一次便都屬於正常。
BB肚屙？咁樣做有助改善
究竟BB便便點樣先叫有問題？如果爸爸媽媽懷疑BB肚屙，唔可以單憑次數、質地睇出有冇問題，建議家長可以留意BB嘅屁股、江門有冇紅腫，活動力有冇下降，都係進一步確認嘅好方法。
一般來講， BB有稀便、水便，只要一日發生次數唔超過四次，屁股冇出現紅腫，體重冇下降，就無大礙。如果BB真係肚屙，建議每次排便後，盡量避免用濕紙巾，最好用溫水清洗，再用紗布巾、乾毛巾抹干，再搽上護膚膏，降低皮膚乾燥、敏感發生。
{adv here}
飲食上建議食量降低配方奶濃度。如果已經滿四個月可以加固嘅BB，就可以加強水份補充，用米水代替其他食物，有助減緩不適。最重要嘅係，要盡快就醫，清楚原因比較有保障。
資料來源：華人健康網
