究竟bb哭鬧時，父母應唔應該第一時間抱起佢呢？呢個問題好多父母同埋育兒網站都爭論咗幾十年。
美國「醫學新聞」網站較早前報導，英國華威大學學者喺《兒童心理學和精神病學》雜誌發表咗一項研究，研究顯示俾初生到18個月大嘅嬰兒「哭出來」並唔會對佢哋嘅行為發展同埋依賴性造成負面影響。
{adv here}
研究人員對178名嬰兒同佢哋嘅母親進行咗為期18個月嘅調查，期間反覆評估咗當嬰兒哭鬧時父母採取嘅干預措施。佢哋發現，父母幾時干預對18個月大嬰兒嘅發育幾乎冇影響。研究亦指出，當嬰兒3個月大時，如果父母唔立即進行干預，反而會令孩子喺18個月大嘅時候哭鬧時間更短。父母同bb之間嘅依戀關係都唔會受到任何影響。
{adv here}
研究顯示，喺嬰兒剛出生時，有三分之二嘅父母會立即對佢嘅哭鬧行為進行干預，但隨住孩子長大，好多家長都會「睇定啲先」，先觀察一下bb是否能夠自己平靜落嚟，咁樣嬰兒先可以慢慢學習自我調節。
{adv here}
領導呢項研究嘅Dieter Wolke教授表示：「我哋必須給予父母同嬰兒更多嘅信任。隨住嬰兒長大，大多數父母都能夠適應並理解孩子嘅需求，當孩子哭鬧時，佢哋會等一陣，然後再進行干預，從而俾機會孩子學識自我調節。」
資料來源：每日頭條
