想提供最安全同健康嘅食物畀BB，製作食物冰轉嘅時候有幾點需要遵守。
1. 食材分開準備，確保食物安全性
考慮到食物要保存得較長時間，所以每種食物都要分開準備，包括器具同埋設備使用上都要清潔乾淨、用熱水消毒。建議按照呢個製作次序準備食材：水果類→蔬菜類→全榖根莖類→豆魚肉蛋類，可避免細菌交叉感染。
{adv here}
{adv here}
建議唔同類別嘅食物用唔同嘅分隔盒儲存，因為每種食物嘅冷凍同埋解凍時間唔同，如果放喺同一個分隔盒，就會有溫度不一嘅問題產生。
2. 冷凍不能超過一星期
避免營養流失同埋考慮到食物安全衛生，冰磚嘅保存期限唔建議超過一星期。避免同一個分隔盒反覆進出雪櫃解凍同冷凍，每次用幾多就拎幾多出來。
3. 先進先出、標示清楚
每次冰磚做好放涼之後，確保用食物拉鍊袋同埋分隔盒包起，清楚寫低製作日期或者到期日，同埋食物種類，方便做好食物管理。
4. 選擇適合做冰磚嘅食材
海鮮類、蛋類同埋配方奶類食材容易變質，唔建議製成冰磚。海鮮類、蛋類容易細菌滋生，所以建議新鮮烹調新鮮食。配方奶可以直接沖泡，唔需要造成冰磚。
不同階段的冰磚應用原則
●初階4∼6個月：食材單一，按照菜單用單一食材造成冰磚，需要符合冰磚嘅健康安全守則。
●進階7∼12個月：BB已經可以同時進食多種食物，建議可以選擇粥類菜單，將食材分開蒸熟，再用攪拌機攪成泥，放入分隔盒做冷凍處理，要食嘅時候先一齊加熱再混合。
{adv here}
冰磚製作用具：分隔盒、可標示日期的拉鏈袋、攪拌器、烹煮用具
製作冰磚嘅工具建議選擇方便清洗、脫模嘅有蓋分隔盒。因為要考慮到食物嘅營養素，建議冰磚唔好保存超過一星期，亦都唔可以反覆解凍，要符合先進先出嘅原則。
資料來源：ETtoday
