成日聽到老一輩嘅人講，「一日剩係可以食一隻雞蛋，食多過一隻會對身體唔好。」相信好多人都聽過呢個講法，亦都會跟住做。其實之所以會有呢個觀念，最主要係因為蛋黃入面嘅膽固醇含量比較高，如果長期多食怕會影響身體機能。究竟係咪真係咁？到底一日食幾多隻雞蛋先至唔算過量呢？對於食蛋嘅迷思，專業醫生嘅答案係：身體機能正常嘅人，一日食三隻雞蛋都冇問題！
{adv here}
{adv here}
醫生詳細解釋比大家知，蛋嘅營養價值好高，亦都係好嘅蛋白質同埋油脂嘅來源，唔單止係咁，佢仲含有豐富嘅維他命B、礦物質硒、Omega3、鐵、鈣、鋅，而其中有一種營養素「膽鹼」，更加係身體重要器官嘅原料，亦都係大腦神經傳導物質（乙醯膽鹼）嘅重要元素。如果身體嘅膽鹼含量唔足夠，神經修復系統就會受到影響。值得一提嘅係，大部分食物入面所含嘅膽鹼量，都遠遠唔夠一隻雞蛋嘅含量多。
朝早食雞蛋可以提升飽足感
一日當中邊段時間食雞蛋最好？有研究發現，因為蛋含有大量嘅蛋白質同埋好嘅油脂，朝早食蛋嘅人，會比較有飽足感，之後一整天進食嘅份量都會相對減少咗，受試者都係因為呢個原因體重下降咗。
{adv here}
優質高密度脂蛋白膽固醇嘅來源
食雞蛋係咪會造成膽固醇過高呢個議題大家都好關注，喺《美國2015～2020年最新飲食指南》入面已經取消咗每日攝取膽固醇嘅上限，亦都解釋咗我哋體內嘅膽固醇有大約8成係身體自己製造出嚟，只有2成係嚟自食物。所以由食雞蛋所產生嘅膽固醇，唔係我哋想像中咁多。
蛋可以產生好嘅高密度脂蛋白膽固醇（HDL-C）。高密度脂蛋白膽固醇有保護心血管嘅作用。大部分研究發現，食蛋係可以增加好嘅膽固醇，只係少部分人，大概兩至三成食蛋會膽固醇偏高，但就算偏高都多數係好嘅膽固醇。
資料來源：新唐人亞太台
