好多媽媽餵奶嘅時候，都會出現奶陣，奶陣其實係餵人奶（或用吸奶器泵奶）嘅時候產生嘅「噴奶反射」，乳房嘅奶會由本來「一滴一滴慢慢咁流出」變成「流速好快嘅水柱」。至於奶陣次數幾多同埋每次嘅泌乳量都因人而異。一般嚟講，每次餵奶俾寶寶飲都出現一至四次嘅奶陣，而每次奶陣大概持續一至兩分鐘。有好多媽媽唔夠奶水，都係因為反射影響。如果各位媽媽想奶水更充足，就可以諗下方法催乳！以下有啲方法可以幫助催乳，各位媽媽不妨試一試。
{adv here}
{adv here}
媽媽們可以試試以下嘅催乳方法
1. 擠奶之前，最好先飲杯暖水補充水分。
2. 唔好成日諗住自己擠唔到奶出嚟，焦慮會令你身體繃緊，會更加擠唔到奶，不如放鬆啲，多啲諗吓寶寶嘅可愛樣仲好。
3. 媽媽們可以先用熱毛巾敷自己嘅乳房，時間最好控制喺十五至二十分鐘之內，咁樣做可以幫助推動乳汁排泄，但係要注意敷嘅時候要避開乳頭，以防乳頭因為溫度高而甩皮。
按摩催乳方法
媽媽們喺每次擠奶之前，可以先按摩乳房幫助疏通乳腺，促進泌乳。如果你哋已經習慣咗奶陣，亦都係按時出現，可以直接跳去第四點。
1. 一隻手托住乳房，另一隻手嘅手指由外向內打圈按摩乳房。
2. 將手掌由底部向乳頭方向輕輕推乳房，幫助疏通乳腺。
3. 將拇指同食指放喺乳暈周圍，輕輕擠奶。
{adv here}
4. 如果乳房冇反應，可以好似拗痕咁輕輕掂乳頭，或者用手指掂、按壓乳頭嘅最前位置，令到乳頭慢慢變硬。每個人嘅活絡點都唔同，要多啲試吓，搵出自己嘅活絡點。
5. 拇指同食指喺乳暈附近不斷變換位置，將所有嘅乳汁徹底擠出嚟，或者直接用吸奶器將乳汁吸出。如果係埋身餵，直接俾寶寶吸奶就得。
媽媽催乳最好等一個奶陣完咗之後做，如果暫時未出現下一個奶陣，可以飲多啲熱水，四週圍行吓，應該都仲可以擠到奶出嚟。另外，生完寶寶後催乳都需要食療嚟配合上奶，要養成每日飲牛奶嘅良好習慣，多食新鮮蔬菜水果。飲多啲湯亦都會有好大嘅幫助，例如可以飲鯽魚湯、花生豬腳湯、哺泉催奶湯、烏雞湯等等嘅催奶湯。
資料來源：Zi 字媒體
