小朋友細個，喺學校同同學打交係平常事，作為家長最先考慮到嘅可能係以下兩種情況：
第一種：還擊
有啲家長知道子女俾人蝦嘅時候就會好嬲同埋心痛子女，就會覺得小朋友應該要還擊，一方面唔可以令子女受委屈，另一方面培養子女強硬嘅性格。
{adv here}
{adv here}
第二種：不還擊
亦有啲家長雖然覺得氣憤同委屈，但覺得只要冇受傷，又唔想子女養成好勝嘅性格，覺得唔可以以暴制暴，應該遠離施暴者，唔應該還擊。
好多時，家長聽到子女俾人打就叫佢哋還擊，係因為被情緒牽動，想為子女出頭嘅心情可以理解，但方法並唔正確。子女被欺負嘅時候，家長心痛係在所難免，但係盲目鼓勵還擊就算成功都好，萬一自己子女同對方力量相差懸殊，還擊失敗，後果就可能變得嚴重，甚至產生不良嘅暴力循環，影響子女心理成長。
如果小朋友唔還擊，父母冇行動，亦可能令出手打人嘅小朋友覺得有恃無恐，被再次欺負嘅機會就會增加，忍耐同逃避只會令子女嘅恐懼感上升，性格變得懦弱。
{adv here}
子女被欺負，作為家長唔可以咩都唔做，但係要為佢哋出啖氣嘅方式都要適當。家長處理問題嘅態度同方式，對子女嘅成長，提升解決問題能力非常有幫助。
遇到呢啲情況，最好嘅處理方式就係溝通。同子女溝通後，了解事情嘅經過，輔導佢哋嘅心理，樹立子女對事情嘅正確認識，另一方面家長應該搵老師介入，俾小朋友一種支持同安全感。必要時同施暴者嘅家長進行溝通，令施暴者知道自己嘅錯誤，知道打人嘅行為係唔啱，會受到老師同家長批評同懲罰，老師同家長嘅介入係徹底解決問題嘅關鍵所在。
資料來源：每日頭條
