好多學齡前嘅小朋友都會有便秘問題。幼兒便秘有95%係飲食同生活習慣引起嘅功能性便秘，又稱習慣性便秘。
{adv here}
學齡前兒童便秘只有5%係疾病引起嘅器質性便秘。由於學齡前小朋友啱啱開始返幼稚園，需要時間適應陌生環境及團體生活，對幼兒造成心理壓力。小朋友亦有可能唔習慣喺屋企以外嘅廁所排便，所以每年幼稚園新學年度開學後一星期，都會有好多學生出現食慾下降、腹痛，甚至開始排出一粒粒羊便便，排便時會因為感到疼痛而哭鬧或者唔敢排便，如果父母因為忙而冇特別處理，甚至需要灌腸或者就醫。
另外，呢個年齡嘅幼兒未有每日排便嘅意識，經常因為貪玩而對排便冇耐性，加上飲食開始排斥蔬菜同水呢啲冇味嘅食物，纖維同水分攝取下降而導致便秘，但長期便秘會產生缸裂，反而會令小朋友因為怕痛而唔敢排便，造成惡性循環。
{adv here}
便秘會影響食慾，長期缺少所需嘅營養，會令小朋友長唔高、長唔大，所以便秘嘅小朋友一般身形都會比較瘦同矮小。有研究顯示，便秘嘅小朋友嘅身高體重指數(BMI)明顯較低，身高比冇便秘嘅小朋友矮大約3公分，而且便秘時間越長，差異就越明顯。
當幼兒每周排便唔超過兩次、排便困難、出血、出現前哨外痔、糞便粗大至塞住馬桶、糞便成粒狀、偶有滲便等，都係便秘嘅臨床徵狀。如果小朋友長期飽受便秘困擾，可以先搵醫生檢查，確認係咪因為特殊疾病引發嘅便秘。如果係功能性便秘，一開始可以接受三至六個月嘅藥物治療，減少宿便堆積、改善硬便同埋肛門疼痛嘅情況之餘，亦都可以降低小朋友對於排便會痛嘅心理恐懼。
資料來源：元氣網
