大部分容易引起敏感嘅食物都屬於蛋白質類，例如牛奶、蛋類、豆類、花生、堅果、海鮮等。其次就係麵粉製品以及蔬果類，例如荔枝、芒果、茄子等。
{adv here}
一般而言，寶寶喺4~6個月大就開始加固。加固初期應該先畀寶寶食「低致敏食物」例如米糊、果泥、蔬菜泥。每次只餵食1種食物，每種食物要有3至4日觀察期，如果嘅皮膚冇出紅疹，亦都冇出現腹瀉現象，就代表食物冇問題。至於蛋白、有殼海鮮同核果類等「高致敏食物」，建議1歲以後先畀寶寶試。無論係「低致敏食物」定「高致敏食物」，開始試食時，盡量唔好混合其他食物一齊食，以免發生過敏反應時無法判斷係邊一種食物致敏。
{adv here}
對於懷疑過敏嘅食物，可以再度試驗，避免誤判。應該先禁食過敏食物3星期後再試食，並觀察1星期，如果出現皮膚、鼻、眼睛痕癢嘅情況，或者出紅疹、咳嗽、腹痛、腹瀉、便秘、作嘔、嘔吐、呼吸困難等症狀，就要停食呢種過敏食物半年，然後再按照上述方法試食。
資料來源：大紀元
