當一個喺雙語環境長大嘅3歲小朋友，喺中文句子入面加入英語詞彙，好多人會認為小朋友將兩種語言混淆咗。但研究顯示，情況並非如此。
事實上，小時候先至係學習第二語言嘅最佳時機；出生後就接觸兩種語言嘅小朋友，通常會成為兩種語言嘅母語使用者，如果等到成年之後再學第二種語言，就好難達到母語使用者嘅流利程度。
{adv here}
一歲前是黃金期
全球所有語言總計大約有800種發音，每種語言大約只會使用其中40種。初生嬰兒腦部擁有區別全部800種發音嘅能力，有能力學習任何佢哋聽到嘅語言。到咗6-12個月大時，喺單語環境成長嘅嬰兒會變得較專精於母語使用嘅發音，1歲之後，佢哋就會開始失去區別各種外語發音嘅能力。
好多雙語家庭嘅家長，經常會擔心小朋友學習說話嘅速度唔夠快，詞彙數量唔夠多；但研究發現，雙語嬰兒對母語嘅反應，同單語嬰兒一樣強，雙語嬰兒嘅詞彙量亦等同於或多於單語嬰兒。
{adv here}
語言切換會讓孩子混淆？
另一個常見嘅擔憂就係，雙語可能會造成混淆；起因之一係「語言切換」，即係說話時結合兩種語言。研究顯示，雙語小孩說話時會出現語言切換情況，係因為身邊嘅大人都會咁做；研究者亦發現，語言切換係雙語小孩嘅正常語言發展過程，甚至有可能係「雙語優勢」嘅起源。
語言切換不單止唔會造成混淆，仲會帶嚟幾種認知能力嘅優勢。研究發現，雙語成人同雙語小孩嘅大腦執行功能較佳，可以更輕易地轉移注意力、切換任務同解決問題。此外，雙語者思考語言、理解語言嘅能力都比較強，亦有證據顯示，雙語者喺學習第三種語言嘅時喉會較為輕鬆。
因此，如果你想小朋友學好英語，最好可以喺小朋友連廣東話都未識講嘅時候就開始學習。
資料來源：天下雜誌
